ليه ساكت..!!

غيبتك تذبح وأنا إحساسي يصيح
يا ما أطول الليل والسهر في غيابك

قلبي أسيرك واليوم منك جريح
لأنك تركته وكان يرجي حنانك

ضاق بي وقتي وهالكون الفسيح
أبيك ترجع يا نظر عيني طالبك

قلبي طير في بعاد أصبح طريح
شف عيوني دمعها سايل تبيك

ليه ساكت..!!أدري لسانك فصيح
تبيني زود على هالمعاتب أعاتبك..!؟

تكفى ريحني وقل لي قبل أطيح
قل لي أحبك يا دوا جروحي أبيك

أدري صعبه بس ودي أستريح
لو بكذبه أعيشها وأقول أني عاجبك